Кватэры, прынтэры і манікюр: Яндэкс высвятліў, на чым спрабуюць зэканоміць беларусы

Часцей за ўсё беларусы шукалі, дзе купіць або зняць танную кватэру (13% ад агульнай колькасці запытаў са словам «нядорага»). На другім месцы - набыццё дома (7%), трэцяе месца падзялілі паміж сабой дачы і пакоі. Пры гэтым беларусы імкнуцца танней не толькі набыць, але і ўладкаваць жыллё. У запытах сустракаюцца камбінацыі «нядорага» са словамі «лесвіца», «акно» і «шпалеры».

На другім месцы катэгорыя «транспарт». Больш за ўсё людзі пыталіся пра аўтамабілі. З альтэрнатыўных спосабаў перамяшчэння іх цікавілі ровар і электравеласіпед. Варта адзначыць, што акрамя саміх транспартных сродкаў, людзі шукалі спадарожныя тавары: шыны, дыскі і прычэпы.

Цікавіць беларусаў і недарагая мэбля. Самы папулярны запыт - кухні, ледзь радзей - шафы і канапы. У тэхніцы і электроніцы лідзіруюць смартфоны. Яшчэ шукаюць прынтэры, ноўтбукі і планшэты.
Яшчэ беларусаў цікавяць недарагія паслугі: лідзіруюць манікюр, дастаўка і эпіляцыя.

ТОП-5 самых папулярных катэгорый са словам «нядорага» ў пошуку Яндэкса:

1) Нерухомасць

2) Транспарт

3) Мэбля

4) Тэхніка і электроніка

5) Паслугі


Радзей за ўсё беларусы шукаюць недарагія спосабы адпачыць, павандраваць і пацешыцца. Людзі шукалі недарагія гатэлі, гасцініцы, хостелы, санаторыі і пансіянаты, а таксама задавалі такія запыты, як «нядорага паесці», «кафэ нядорага» і «сауны нядорага».